اسلام آباد انسداد دہشتگردی کی عدالت نے چیئرمین پی ٹی آئی عمران خان کی ضمانت منظور کرتے ہوئے یکم ستمبر تک گرفتاری سے روک دیا ہے ۔
تفصیلات کے مطابق عدالت نے ایک لاکھ روپے کے مچلکوں کے عوض عمران خان کی ضمانت منظور کر لی ہے ،عمران خان کی مستقل ضمانت کی درخواست پر مدعی اور پولیس کو نوٹس جاری کر دیا گیا ہے۔۔
اس سے قبل عمران خان ضمانت کیلئے اسلام آباد کی انسداد دہشتگردی پہنچے جہاں کارکنان بڑی تعداد میں موجود تھے ، اس موقع پر سیکیورٹی کے سخت انتظامات کیئے گئے تھے، کارکنان نے زبردستی عدالت میں جانے کی بھی کوشش کی تاہم سیکیورٹی اہلکاروں نے حصار کو مضبوط کر دیا ۔
اس موقع پر پولیس کا کہنا تھا کہ جن لوگوں کے نام لسٹ پر ہیں صرف وہی اضافہ عدالت میں داخل ہوں گے ، پی ٹی آئی رہنما کنول شوزب کا کہنا تھا کہ ہم ایم این ایز ہیں ہمیں تو اندر جانے کی اجازت دیں ۔
