اسلام آباد وفاقی وزیر داخلہ رانا ثنااللہ کی اہلیہ نے کہاہے کہ ہم اللہ کے گھر سے ہو کر آئے ہیں، وہاں بھی ہم نے شہباز گل کیلئے دعا کی ہے۔
“روزنامہ دنیا “کے مطابق رناا ثناءاللہ کی اہلیہ نے کہا کہ رانا ثناءپر تشدد کروانے والوں میں شہباز گل بھی شامل تھے لیکن ہم کسی پر تشدد کے حق میں نہیں اور پاکستان تحریک انصاف (پی ٹی آئی )رہنما پر تشدد ہوا بھی نہیں ، انہوں نے کہا کہ پی ٹی آئی کے دور حکومت میں رانا ثناء اللہ کی حوالات میں چینی پھینک دی جاتی تھی، شوہر پر تشدد ہوتا تھا تو وہ گھر آکر بتاتے نہیں تھے، وزیر داخلہ کی اہلیہ نے مزید کہا کہ میرے شوہر نے شہباز گل پر تشد دنہیں کروایا، یہ اپنے کیے کی سزا بھگت رہے ہیں، ان کو کہنا تھا کہ میں سمجھتی ہوں کہ شہباز گل پر تشدد نہیں ہونا چاہیے، در اصل پی ٹی آئی رہنما کو ان کا اپنا خوف پریشان کر رہا ہے۔
