میڈرڈ سپین میں ایک چور نے پولیس سے بچنے کے لیے چوری کی گئی گاڑی ایسی جگہ گھسا دی کہ گاڑی میں پکڑی گئی اور خود بھی پولیس کے ہتھے چڑھ گیا۔ انڈیا ٹائمز کے مطابق سپین کے دارالحکومت میڈرڈ میں اس 36سالہ چور نے پارکنگ لاٹ سے ایک کار چوری کی اور اسے میٹرو بس کے ٹریک پر لے گیا تاکہ پولیس سے بچ کر تیزی سے نکل جائے۔
کچھ فاصلے پر جا کر اس نے ٹریک سے باہر نکلنے کے لیے گاڑی میٹرو سٹیشن کی سیڑھیوں پر چڑھا دی۔ گاڑی سیڑھیاں نہ چڑھ سکی اور وہاں پھنس گئی۔ چور نے کار کو وہاں سے نکالنے کی کوشش کی مگر ناکام رہا اور تب تک پولیس بھی وہاں پہنچ گئی جس نے چور کو گرفتار کر لیا۔ بعد ازاں پولیس نے فائرفائٹرز کو بلوایا جنہوں نے کرین کی مدد سے گاڑی کو سیڑھیوں سے اٹھا کر باہر سڑک پر نکالا۔
